KULINDELEKE avele ngoLwesibili eNkantolo yeMantshi yaseShowe umsakazi woKhozi FM, uZimiphi ‘Zimdollar’ Biyela.
Lokhu kuza emva kokuthi lo msakazi ethunyelwe amasamanisi ambizela kule nkantolo ngasekuqaleni kwenyanga edlule. Ukuvela kwakhe enkantolo kumayelana nezibhamu okuthiwa zatholwa ngamaphoyisa emzini wakhe, okuyo le ndawo ngo-2020.
Phakathi kwalezo zibhamu kuthiwa kwakukhona ne-AK47. Ngesikhathi enikwa amasamanisi, amaphoyisa aKwaZulu-Natal athi uzobekwa icala lokutholakala nezibhamu ezingekho emthethweni, elezinhlamvu zesibhamu nelokutholwa nempahla entshontshiwe njengoba kwavela ukuthi ezinye zezibhamu ezatholwa kwakhe, zazebiwe komunye umuzi oseRichmond ngo-2016