LIYANGENA eNkantolo yoMthethosisekelo icala lebandla labakwaShembe ohlangothini lwaseBuhleni.
Leli cala eselidonse iminyaka eyishumi, lizongena ngoLwesibili lapho kulindeleke abameli bezinhlangothi zombili bakhiphe amangwevu okugcina. Le nkantoloyiyo ekwazi ukuthatha isinqumo sokugcina, okusho ukuthi selifike ekugcineni icala.
Uhlangothi lwaseBuhleni oluholwa yinkosi uMduduzi Shembe yilo oludlulisele icala kule nkantolo emva kokuba luchithwe yiNkantolo yokweDlulisa amaCala eBloemfontein nyakenye. Lolu hlangothi lubhekene nolwaseThembezinhle, oluholwa yinkosi uPhinda Shembe.