BAZONGENA bagamanxe emaphaketheni abashayeli bezimoto njengoba kumenyezelwe ukunyuka kukaphethiloli ngoLwesithathu.
I-Central Energy Fund (CEF) ikuqinisekisile ukuthi intengo kaphethiloli ongu-93, no-95 octane izonyuka ngo-R1.21 ilitha kanti udizili uzokhuphuka ngo-R1.06 (0.05% sulphur) no-R1.19 (ngo-0.005%). Upharafini okhanyayo ukhuphuka ngo-64c ilitha kanti intengo enkulu yokudayisa y-LP gas ikhuphuka ngo-41c nge-kg.
Kuthiwa ukwenyuka kwakamuva kudalwe ukwenyuka kwangoFebhuwari futhi kubangelwa ukwehla kwerandi, nenani eliphezulu likawoyela emazweni angaphandle.