ABEZIMO eziphuthumayo babizelwe emgwaqweni uR614 oThongathi ngemibiko yengozi ebandakanya abantu abaningi.
Kuthiwa kushayisane izimoto mahlanze, eyodwa yaphaphalaza yawela esikhotheni.
Abe-IPSS Medical Rescue bafike kule ndawo bathola ukuthi bangu-11 abantu abalimele, kubo okukhona ababili abasesimweni esibucayi.
“Abalimele kakhulu bathole usizo lokuqala anduba baphuthunyiswe esibhedlela. Abanye abayisishiyagalolunye bona balashelwe kule ndawo maqede badedelwa,” kusho uSamantha Meyrick okhulumela le nkampani.
Amaphoyisa asendaweni yesigameko njengoba uphenyo luqhubeka.