Abezimo eziphuthumayo bafike endaweni yesigameko bathola iveni elilayisha izingane zesikole liginqikile kwaSithebe, eMandeni.
Le ngozi yenzeke ngoMsombuluko ekuseni lapho okulilame khona abafundi abangu-15 belimele ngezindlela ezahlukene.
Abe-IPSS Medical Rescue bafike bahlola isimo sezingane, abaningi bebenemihuzuko emincane.
“Abafundi baphuthunyiswe emtholampilo waseSundumbili. Ngesikhathi kufikwa emtholampilo kutholakale ukuthi abafundi abathathu bahanjiswe emtholampilo ozimele.”
Kusenjalo, kushintshe isimo somfundi oyedwa kwaphoqa ukuthi athole usizo lokuqala olukhethekile ngaphambi kokuthi abe-IPSS Medical Rescue bamphuthumise kwenye indawo athole usizo.