KUFE oyedwa kwalimala kabi omunye kuwa iveni lisuka ku-N2 layohlala kuNorth Coast Road ngoLwesibili ekuseni, eThekwini.
Abezimo eziphuthumayo bafike endaweni yesigameko bathola isimo sisibi iveni ebelithwele imifino nezithelo lilele ngohlangothi phakathi kwemizila ephambanayo.
Imibiko yokuqala iveza ukuthi umshayeli uphunyukwe yiveni ehamba phezu kwebhuloho kuN2 yashaya umuntu obehleli onqenqemeni lomgwaqo uNorth Coast ngaphambi kokuba ilale ngohlangothi.
Umshayeli weveni obehamba yedwa ngesikhathi kwenzeka le ngozi utholakale esesimeni esibucayi kakhulu ngenxa yokulimala.
Abe-ALS Paramedics banike umshayeli usizo lokuqala ngaphambi kokuba aphuthunyiswe esibhedlela esiseduze.
Imbangela yengozi kayaziwa okwamanje, kodwa amaphoyisa ayaphenya