KUBOSHWE abalisa ababili ngokubulawa kwekhansela nokudlwengulwa kwentombi yalo esigamekweni esenzeke ngeSonto, eDutywa.
Kuthiwa uMzikayise Saki oneminyaka engu-45 ubehamba nentombi yakhe eneminyaka engu-28 ngesikhathi behlaselwa entathakusa ngeSonto.
“Ikhansela belihamba nentombi yalo bebuya ethaveni eseKwarini endaweni yaseNgxakaxa A/A beya ekhaya ngesikhathi behlaselwa ngo-3 entathakusa ngeSonto,” kusho uCol Priscilla Naidu okhulumela amaphoyisa ase-Eastern Cape.
USaki obeyikhansela kule ndawo uklinywe waze wafa, kanti intombi yakhe iyiswe endaweni eseduze nenkundla yezemidlalo lapho idlwengulwe khona.
Kuboshwe abasolwa ababili ngalesi sehlakalo.
“Abasolwa ababili abaneminyaka engu-27 no28 baboshiwe babekwa amacala okubulala nokudlwengula,” kuqhubeka uNaidu.