ABANTU bakhala ngokuba kwampunz’edlemini kwelakuleli ngenxa yezinto ezingamahlazo nezingajabulisi ezivelayo ezenzeka mihla namalanga.
Ngesonto eledlule kwavela udaba lwenkambi eqeqesha abokufika baseLibya okuthiwa bangena kuleli bezenza abantu abazoqeqeshela umsebenzi wokuba ngonogada kodwa baqeqesha ngezinsiza zobusosha.
Lokho kwenzeka-nje, kusadingidwa eyentokazi enguChidinma Vanessa Adetshina ehamba phambili kwezinye ezingu-13 ezingenele ukuba uzime wakuleli uMiss SA. Abantu basazibuza ukuthi kwenzeka kanjani lokhu ngoba uyise wale ntokazi udabuka eNigeria kanti umama wayo ngowaseMozambique?
ICASULE abaningi ekaChidinma Vanessa Adetshina ebonakala ebungaza nomndeni wakhe waseNigeria ukuqokelwa esikaMiss SA. Kwenzeka lokhu nje, kusanomsindo ngokungena kwakhe kulo mncintiswano ngoba ubaba wakhe ungowaseNigeria kanti unina owaseMozambique, kodwa wakhulela kuleli.
AKATHENGELWE abadlali bekhethelo umqeqeshe! Lawa ngamazi abalandeli beKaizer Chiefs ngemuva komdlalo wangempelasonto neYanga yaseTanzania. Abalandeli baleli qembu elibaniswe ngo-4-0 kowesicoco seToyota Cup bathi akungadlalwa ngomqeqeshi wabo omusha uNasreddine Nabi ukuthi uzokwenza imilingo ngabadlali abayizahluleki zakudala.
UNOBHALA jikelele we-ANC uMnuz Fikile Mbalula ucacise eyokuxoshwa kukaMnuz Jacob Zuma eqenjini likaKhongolose ngokuthi uyenza ozenzile ngokuphula umthetho 25.17.17.4 ufundwa nomthetho 2 ocacisa ngokusobala ukuthi ilungu lale nhlangano alivumelekile ukusebenzisana nelinye iqembu lepolitiki elibhalisiwe futhi elingeyona ingxenye yamaqembu angumbimbi nayo.