INkantolo eNkulu yaseWestern Cape isinqume ukuthi osolwa ngokushisa iPhalamende, uMnuz Zandile Mafe akakulungele ukubhekana naleli cala.
UMafe ubebhekene necala lokushisa iPhalamende eKapa, ngoJanuwari wango-2022.
Phambilini inkantolo yakhipha umyalelo wokuthi uMafe ayohlolwa isimo somqondo.
NgoMsombuluko emini iJaji Nathan Erasmus lithe liyahambisana nombiko wongoti, othi uMafe akakulungele ukubhekana necala.
“Yisona isinqumo sami leso, sokuthi uMnuz Mafe akakulungele ukulandela okwenzeka enkantolo futhi azivikele kahle, ngakho akekho esimweni sokuthi abhekane naleli cala,” kusho ijaji.