UHLANGABEZANE nembibizane uNgqongqoshe wezeMfundo ePhakeme nezobuChwepheshe, uDkt Blade Nzimande, obezama ukufaka i-Unisa ngaphansi komlawuli.
U-Dkt uNzimande ubememezele ukuthi lesi sikhungo sizofakwa ngaphansi kweso lomlawuli emuva kombiko wophenyo oluzimele.
INkantolo eNkulu yasePitoli ikhiphe umyalelo othi uNzimande ame ngesinqumo sakhe sokufaka i-Unisa ngaphansi komlawuli. Umkhandlu ophethe isikhungo ubufake udaba enkantolo, ukhala ngokuthi kawenelisekile ngesinqumo.
UNzimande wayejube uSolwazi Themba Mosia ukuthi aphenye, wathola okuningi akuchaza ngokungahambi kahle ngokuphathwa kwesikhungo.
UNzimande ngesikhathi ekhipha isinqumo sokufaka umlawuli wayebike ukuthi lokhu kuwumzamo wokuthi izikhungo zonke ziwenze kahle umsebenzi wazo.
Wayethe ugculisekile ngombiko wophenyo athi uveza ukungaphathwa kahle kwemali nezinye izindaba zokusebenza kwesikhungo.