IBE yimpumelelo indumezulu yenkonzo yomama bebandla eliKhatholika bomhlangano ka-Anna Ocwebileyo ebikade iqhubeka e-Olive Convention Centre, eThekwini.
Le nkonzo ibihlanganise amaDayosisi angu-26 avela eNingizimu Afrika yonkana, nasemazweni angomakhelwano. Idonse izinsuku ezintathu njengoba iqale ngoDisemba 9 yaze yaphothulwa ngomhlaka-12.
Bekukhona abaPhriste bebandla abangu-2000 nabaBhishobhi abayishumi.
Le nkonzo ebekungeyokukhulekisana nokuvuselela ithemba ngayo ibizimaziswe yiphini likanobhala we-African National Congress uNomvula Mokonyane.
Kuvelile lapha ukuthi lolu hlobo lwengqungquthela lwagcina ukubakhona ngo-2018. Ngokwenqubomgomo yebandla le ngqungquthela ibakhona njalo ngemuva konyaka owodwa.
Ayizange ibe khona ngo-2020 ngenxa yokuvumbuka kokhuvethe olwakhinyabeza izinto eziningi ezweni, icovid 19.
