INJABULO nokushaqeka imeya yaseMlalazi imenyezelwa kwabesimame abavelele kumaSebenza Women’s Awards.
Ikhansela uQueen Xulu yimeya yokuqala kumasipala uMlalazi ukukleliswa nabesifazane abenza kahle nabavelele abangabaholi ezigabeni ezihlukene zokubuswa kwezwe ngaphansi kwamaSebenza Women Awards.
Ngale kokuphakanyiswa kwegama lemeya, nawo umasipala uqhudelana nabanye abane emunxeni womasipala abaqinisekisa ukulinganiswa nokuqashwa kobulili besifazane ezikhundleni ezimqoka nezokuphatha.
Le meya ithokoze kakhulu ngesikhathi igama layo limenyezwa ngesikhathi kwethulwa lo mcimbi ehhotela i-Aha Gateway Hotel ngoLwesihlanu.
Ephawula ngokuphakanyiswa kwegama lakhe emunxeni wabaholi abavelele kuhulumeni uthe: “Kubalulekile ukukhuthaza nokuhlonipha ubuhlakani babesifazane abenza umsebenzi omuhle.”
Uthe lesi yisifundo abasithole kuMntwana waKwaPhindangene futhi uyakholwa wukuthi umasipala waseMlalazi uyisibonelo esihle ngokukhuthaza ukusebenza ngokuzikhandla nokunikeza abasifazane amathuba okuhola.