KUVUNGAME izinkundla zokuxhumana kuvela izindaba zokuthi umethuli wezinhlelo, uMasechaba Ndlovu, usephinde wathola umendo okwesithathu. Lokhu kuza emva kokuvela kwezindaba zokushada kwakhe ngempelasonto emcimbini obusesithe.
Le ntokazi, eyethula izinhlelo zangempelasonto ekuseni kwiNewzroom Afrika, inikele ezinkundleni nencwadi encane eyibhalele umyeni wakhe omusha ongubaba wengane yakhe ayithole ngonyaka odlule.
“Izolo ngishade umngani wami omkhulu. Umqondisi wami, isithandwa sami, impilo yami. Baba kaLukhanyo Lwezizwe, ngiyakuthanda. Njengoba sithatha lolu hambo ndawonye, asikho isikhali esibekelwe sona esiyophumelela. Lolu kube wusuku lwenjabulo enkulu empilweni yami. Ngiyakuthanda futhi ngikulangazelele ukuphila yonke impilo yami nawe,” kubhala yena.
Le ntokazi (41), eyayisakaza kuMetro FM phambilini, ithi yahlangana nomyeni wayo oyisikhulu nophrojusa womculo, uNtethe Mposwa, ngo-2022. Kusukela lapho babambisana empilweni ngomkhuleko, namanje basayibambile ngalolo hlelo.
Phambilini wayegane usomabhizinisi wenkampani iTransluscent Media Group, uMfundo Ntsibande, okuthiwa unguyise wendodana yakhe, uLungelo. Impilo yothando nomshado wabo ayikaze ivele kwabezindaba, kuze kube yimanje akukaze kucace ukuthi bashada futhi bahlukana nini ngale kokuthi banendodana abayithola ngo-2008. Kodwa le ntokazi iyakubalula ukuthi uNtsibande ngumyeni wayo wokuqala.
NgoNovemba 20, 2015 washada noVusi Ndlovu owayengumphathi wakhe. Lo kwaba wumendo omfishane njengoba athusa abaningi ememezela ukuhlukana kwabo ngo-2018. Le ntokazi yamemezela ukuhlukana kwabo ezinkundleni zokuxhumana ngomlayezo obonisa ukuthi uthando lukhona futhi luningi kodwa izimo zempilo ziphoqa ukuthi bavume iqiniso lesimo kukubi kunjalo.
Ukuhlukana kwabo akubanga kubi kangako ngoba le ntokazi yayibonakala ibhala ezinkundleni zokuxhumana incoma uNdlovu ngokuyeseka emsebenzini wayo.
Shout out to my 2nd husband, @MrVNdlovu, without whose support, I would not be able to give the world my best. My boys are blessed with 2 incredible fathers.
— Masechaba Mposwa 💫![CDATA[]]>🌕![CDATA[]]>🕯️ (@MasechabaMposwa) April 1, 2019
Ngiyabonga Gatsheni. I'm superbly humbled that you attended my screening.🙏![CDATA[]]>🏽❤❤❤#FamilyOverEverything #BigSecretBET📺 pic.twitter.com/P5Eb18FUG5