I-BMW 7 Series idle umhlanganiso wesicoco i-2024 SA Car of the Year (Coty) ihlula izimoto ezingu-17 ebisisele nazo kowamanqamu.
Lo mncintiswano uhlelwa yinhlangano iSouth African Guild of Mobility Journalists (Sagmj) futhi amajaji awo yizintatheli zezimoto zamaziko ezindaba ahlukene ezingamalungu ayo, okukhona kuwo nombhali walolu daba.
ISuzuki, egudluze iVolkswagen Group endaweni yesibili ngokudayisa kakhulu izimoto ezintsha kuleli, ngo-Ephreli ilale isibili ngemoto yayo iFronx. I-BMW M2 ibe sendaweni yesithathu.
Amajaji aphinde azivivinya kabanzi izimoto izinsuku ezimbili ebheka ubuchwepheshe, ukubambelela kwazo, yindlela ezidla ngayo uphethroli, intengo nokunye eziqhathanisa nezimbangi zazo.
Lo mncintiswano, owaqala ngo-1986, ubuxhaswe yi-Old Mutual Insure unyaka wesibili kulandelana.
Ngokweminxa imiphumela ime kanje:
Budget/Compact - Suzuki Fronx
Compact Family - Toyota Urban Cruiser
Family - BMW X1
Premium - Mercedes-Benz GLC
Adventure SUV - Mahindra Scorpio-N
4x4 Double Cab - Volkswagen Amarok
Luxury - BMW 7 Series
Performance - BMW M2