OKE waba nguMiss South Africa uthuse abaningi eziqhathulula kulo mncintiswano ekubeni eke waphatha lesi sicoco, wagcina enguMiss Universe ngo2019. UZozibini Tunzi ubemenyiwe kulo mncintiswano obungempelasonto edlule okuwine kuwona uNatasha Joubert kodwa waqoma ukungayingeni eyawo.
UZozi akagcinanga ngokungayi kulo mncintiswano kodwa uphinde waphuma ekulandeleni uMiss SA ekhasini lakhe le- Instagram.
Kuvela ukuthi inkinga iqale ngezimpahla zokugqoka ebezibiza. Okunye okuphawulekile ukuthi uZozi akakaze afake lutho ezinkundleni zokuxhumana oluthinta uMiss SA ngeSonto.
NgokweZimoja imenenja kaZozi ikuqinisekisile ukuthi yonke le nto isuswe indaba yokugqoka nokukhokhela obekumele amgqokise kanti abaMiss SA bahlulekile ukukhokhela izimpahla zokugqoka kanjalo nalowo obekumele amgqokise.
Umnikazi walo zime uSteph Well uthe uZozi ubemenywe njengesicukuthwane hhayi njengejaji kulo mncintiswano. Umthombo weZimoja udalule ukuthi uZozi yena ubecabanga ukuthi uzouba yijaji ahlale eduze kukaThuso Mbedu obeyijaji.