SISHUBILE isimo phakathi kweqembu lomculo iBlack Motion nelinye ilungu layo uBongani Robert Mohosana.
Izindaba zoqhekeko phakathi kukaBongani owaziwa ngelikaMurdah Bongz noRoy Thabo Mabogwane odume ngelika Thabo Smol okuyibona abakhanda leli qembu zaqala ngesikhathi uBongz engena ethandana nentokazi yakwaJiyane enguDJ Zinhle.
Leli qembu lawaphika amahlebezi okuthi liyahlukana, kodwa konke lokho sekushintshile.
IBlack Motion ineminyaka isebenza ndawonye, ijabulisa abantu emazweni ahlukene futhi iqoqa nenqwaba yezindondo ngomculo wayo omnandi.
Namuhla izwe livuke ngencwadi yasenkantolo efakwe iBlack Motion nezithombe zomnyango ophukile nezinto ezebiwe estudio abebesebenzela kuso.
Kule ncwadi yasenkantolo, kukhishwe umyalelo wokuthi uBongani unikezwe kuze kube wuLwesihlanu mhla ka13 kwephezulu ukuthi abuyise izinto ezithathwe kulesi studio.
Leli qembu lale laphetha ukukhuluma ngokuthi ingxabano isuke kuphi kuze kuyiswane ezinkantolo kodwa lithi libone kukuhle ukuvezela izwe okwenzekayo khona ngelinye ilanga
Kwenzeka konke lokhu nje uMrdah Bongz usephinde washintsha igama njengoba esezibiza ngoMörda futhi usanda kukhipha umsebenzi wakhe wokuqala omusha ngaphansi kwaleli gama. Ingoma ayikhiphile ethi, Asante, nokuyigama lendodakazi yakhe noDJ Zinhle yenza kahle kakhulu ezinkundleni zomculo abathandi bomculo bahlukene phakathi ngoqhekelo lweBlackMotion
@amymelag: Kodwa black Motion 😭😭😭😭😭😭😭. Beningahlukana kahle hhayi lento yokulwa nokugqekeza. Ngiyafisa nithole isikhathi ngelinye ilanga nilungise izinkinga zenu.
@Wahaenne: Kubuhlungu ngoba lo munu owenze lokhu akanayo inkinga yemali. Uyazi ukuthi angakuthenga noma yinini. Ubefuna ukukuzwisa ubuhlungu obukhulu, ngiyafisa sengathi naye ungamzwisa ubuhlungu obufanayo ngento eyigugu kuyena. Yinkohlakalo le eyenziwe kuThabo 💔
@Thobash_M: Lo moya omubi oningenile awuphume.