OSOMAHLAYA baseMpangeni, uSifiso Nene noCeleste Ntuli, bahamba phambili kwabaqokwe kuma-11th Savanna Comics’ Choice Comedy Awards azoba seGold Reef Lyric Theatre, eGoli eGauteng ngo-Ephreli 13 kulo nyaka.
Lezi zintandokazi ezaqala ukuzakhela igama kwi-100% Zulu Comedy Show nakwiSo You Think You’re Funny, ziqhathwe emunxeni weBest Solo Show Award nakoweBest Headliner of The Year Award.
KwiBest Solo Show Award, uCeleste noSifiso badlana imilala no-Ambrose Uren, Carvin H Goldstone & Robby Collins, Prins noDalin Oliver kanti kwiHeadliner Of The Year Award batholene phezulu noDillan Oliphant, Kagiso KG Mokgadi noRobby Collins.
Ngaphandle kwalokho, uCeleste ubuye waqokwa emkhakheni weComedian of the Year Award, lapho etholene khona noKagiso KG Mokgafi, Mpho ‘Popps’ Modikoane, Robby Collins noSchalk Bezuidenhout ekubeni uSifiso engene eqoqweni leThe Joe Mafela Award, lapho ebhonyana khona noKing Flat, Mashabela Galane,Summary noTT Phasha.
KwiSavanna Newcomer Award kubambene uCallum Hitchcock, Khabane Moloi, Mr Chase, Mzonke Maloney noThula Sithole.
Abadudulana kwiBreakthrough Act of the Year Award ngo-Ebenhaezer Dibakwane,JamJam The Comedian, Shanray Van Wyk, Wazi M Kunene noVafa Naraghi.
KwiBest Comedic Writer kuboshelwe uKagiso Lediga, Lazola Gola, Milo, Mojak Lehoko noTsitsi Chiumya.
KwiUpLIFTing Comedic Comedy Award kukleliswe uCosta Carastavrakis, Dalin Oliver, Nina Hastie, Shanray Van Wyk, Tums The Narrator noVafa Naraghi.
KwiSauce of the Year Award, kukhahlelana uDalin Oliver, Dillan Oliphant, Mojak Lehoko, Tums The Narrator noVafa Naraghi.
Ngalolu suku umklomelo weHall of Fame uzonikezwa uMarc Lottering futhi uhlelo lomcimbi luzobe luphethwe wuMpho Popps.
Abalandeli bayanxuswa ukuba bangene kuwww.comicschoice.com ngaphambi kukaMashi 31 ukuze bavote online noma bathumele amaSMS anamagama ne-unique code kasomahlaya abamvotelayo ku-33622 futhi iSMS ngayinye ibiza uR1.50.