UYAVELA enkantolo yeMantshi eMusina umsolwa oneminyaka engu-40 ngacala okutholakala nemoto okusolakala ukuthi yebiwe nokunikeza amaphoyisa amaphepha omgunyathi.
Amaphoyisa asebenza emngceleni iBeitbridge Port of Entry avimbe owesilisa obeshayela unyanyavu lweBMW G70, 7 Series ka-2023 ebiza ngaphezu kuka-R2 million efuna ukungena eZimbabwe esuka eNingizimu Afrika ngomhla ka31 kuDisemba 2024 ebusuku.
Umshayeli ongowokufika kuleli ubephethe incwadi yokuvakasha yakuleli utshele amaphoyisa ukuthi umnikazi wemoto uzomlandela ngendiza ezinsukwini ezizayo. Uphenyo lwamaphoyisa luveze ukuthi le moto ibifunwa elinye lamabhange aseNingizimu Afrika.