UBOSHIWE owesilisa osolwa ngokuklinya abulale uzakwabo amphethe ngoKhisimusi.
Kubikwa ukuthi kwavulwa icala lokuthumba ngemuva kokulahleka kowesifazane (21) ogcine ukubonakala ephuma nozakwabo endaweni yokudlela eMhlanga ngokusa kwangoKhisimusi.
Kuthiwa lo wesifazane wahamba nomsolwa baya emzini wakhe eMaotana, eNanda.
Kubikwa ukuthi laba babanengxabano emotweni umsolwa waklinya lo wesifazane wagqiba isidumbu sakhe egcekeni.
Umsolwa uboshwe ngoMgqibelo kulindeleke ukuthi avele eNkantolo yeMantshi eThekwini ngoMsombuluko (Januwari 6) ngamacala okuthumba, ukubulala, nokuphazamisa ukusebenza kwengalo yomthetho.