KUFEZEKE iphupho leminyaka kuNozipho “MaZulu Ozulayo” Zulu, emncintiswaneni woKhozi FM, iWinnie Mahlangu Female Presenter Search.
UNozipho umenyezelwe izolo emsakazweni Ukhozi FM, ukuthi uyena odle umhlanganiso emncintiswaneni walo nyaka.
Ezinkundleni zokuxhumana uNozipho ubehalaliselwa ngabantu ngokuhlabana kwakhe. Abanye bebejabulela ukuthi usezoba ngumsakazi woKhozi FM.
Lo msakazi ulandela oZama Mseleku, Bingelela Mpanza, Londa Mbatha, okungabanye babasakazi abatholakale ngokungenela lo mncintiswano. UNozipho umenyezelwe ohlelweni lwantambama olushayelwa uTshatha noSelbeyonce.
UMazulu Ozulayo usuka kude nokusakaza njengoba eseneminyaka esakaza emisakazweni yomphakathi.
Wazakhela udumo ekwiMbokodo FM, isasakazela eNsimbini, eFolweni. Ubuye wagqama ekwiCora FM. Emisakazweni yomphakathi ubaziwa ngalo elikaMazulu Ozulayo.