KUZOQOPHEKA umlando eThekwini, kusasa, kuvulwa indawo yodumo ye-Only Fans, lapho kutholakala lonke uhlobo lobumnandi obuhambisana nocansi, izithombe zocansi nokufequza unqunu ezinkundleni zokuxhumana.
Le ndawo izobizwa nge-Only Fans Bar kanti izovulwa ngo-8 kusasa ebusuku eceleni kwaseCity View, ebiyaziwa ngeGame City, nokubikwa ukuthi izoshaya ngonyawo olwehlukile kwedume ngakho ezinkundleni zokuxhumana.
Omunye wabanikazi bale ndawo, uMnuz Theo Jehra, uthe le ndawo yehluke kakhulu kweziningi ngoba izoba ngeyomntakabani futhi ngeke izibandakanye nezinto eziyihlazo. Yize kunjalo kodwa ukuvezile ukuthi balindele lonke uhlobo lweziqumama ezisebenza kanzima ukuze zizophumuza ingqondo zizijabulise ngobumnandi obuhlelekile.
I-Only Fans idume ngokuthi kutholakala kuyo lonke uhlobo lokuzithokozisa ngocansi kusetshenziswa izinkundla zokuxhumana. Abanye besifazane abagcini nje ngokudayisa izithombe kwi-Only Fans kodwa baze bagcine sebedayisa ngocansi nokubikwa ukuthi kusheshe kubacebise.
Abanye bosaziwayo sebeze bazidela bangenela i-Only Fans lapho bedayisa khona izithombe zabo benqunu kanjalo nama-video ocansi.