Lo mculi usematheni ngokungena esiteji kusacula uGatsheni emcimbini iMthandeni Summer Experience obuseMdletsheni, KwaHlabisa ngempelasonto eyedlule.
Lokhu kuze kwenza ukuthi abantu bamjikijele ngamabhodlela.
UNaledi ulokhu efaka ekhasini lakhe kwi-Facebook ukuthi usothandweni.
“Lo wamanje makuphela u-2 hours singakhulumile ngivele ngiqhaqhazele,” kubhala yena.
Komunye umyalezo uthe: “Uthiwani umuntu nithi niqala nokujola usekuthengela izinwele zika-R2 400?”
Ufake izithombe zakhe nomculi uMawelele kanjalo nama-video bendawonye.
UMawelele ufake isithombe sabo njenge-profile picture yakhe kwi-Facebook.
Abantu baphawule ngezindlela ezehlukene abanye bemhalalisela, abanye bethi kuzophela kabuhlungu futhi kunabanye abathi bazokhipha ingoma ngokuhlanganyela.
Kwenzeka lokhu nje, owayengumlingisi we-The Queen, uLorraine Moropa, nomdidiyeli wamapiano, uTyler ICU, bazibophezele ekuchitheni impilo yabo ndawonye bethembisana umshado.
ULorraine wayelingisa indawo ka-Olerato kulo mdlalo owawukhonjiswa kuMzansi Magic. UTyler ICU ubeshisa izikhotha ngezingoma okubalwa kuzo iMnike, Ebasini nezinye.
Laba bobabili abalufihli uthando lwabo ezinkundleni zokuxhumana njengoba behlale befaka ama-video nezithombe bendawonye.
Nokho kubukeka sebezimisele ngokulibeka kwelinye izinga njengoba uLorraine esefake indandatho emnweni.
Ufake ekhasini lakhe ukuthi uthenjiswe umshado ngoJanuwari 3, okuwusuku obekuzalwa ngalo uTyler ICU.
“Ngivumele ingunaphakade nomngani wami omkhulu. Ngiyabonga kuNkulunkulu ngalesi sipho sothando,” kubhala uLorraine ekhasini lakhe kwi-Instagram.
Abantu nosaziwayo okubalwa kubo u-Anele Mdoda, Simphiwe Ngema, Gogo Skhotheni nabanye babahalalisele.