UMKHOKHA: THE CURSE
Ngo-8.30 ebusuku kuMzansi Magic
Umkhokha ukhombisa ulaka kuMabusi ngesikhathi uSiphamandla engekho. UMaMzobe uvukelwa yizenzo zakhe zakudala. UMaNzimande ushayela uSiphamandla ucingo nezindaba ezingemnandi. AbakwaMthembu bahlukunyezwe yizigameko zakamuva. USiphamandla uqhamuka neqhinga lokuxhumana noMabusi. UZodwa ocasukile uzama ukuthola izimpendulo kuMzobe. UDifa wenza konke ukuphephisa umndeni wakhe. UZodwa uyaqhubeka nokuthola imiyalezo engacacile kuMzobe kodwa unethemba. UKhulekani ufuna ukubona umkakhe kodwa uMaNzimande uyamvimba.
HOUSE OF ZWIDE
Ngo-7 ebusuku ku-e.tv
UDorothy uteta ingane yomfana. UNkosi ubuya kwinhlolokhono yomsebenzi ethemba ukuthi uwutholile. UFaith (Winnie Ntshaba) noZanele babamba uZola kodwa uyahamba. UZanele uphupha uZola ezama ukumbulala. UFunani ukhumbula izikhathi ezimnandi noRea. UMolefe noDorothy babuya nengane kanti uMaria uhlela ukuthatha indawo yokucwala izinwele. UFunani angase alahlekelwe yikhaya ngenxa kaNkosi nokwenza uLaz akhathazeke. UNkosi ushaywa wunembeza ngokuthi uFunani uzolahlekelwa yikhaya lakhe. UZanele uyamangala uma uZola exolisa futhi isidlo sasebusuku sikaFaith noLoyiso senza uFunani abe nomona. UZanele uyaquleka ngemuva komhlangano oshubile noZola.
SCANDAL!
Ngo-7.30 ebusuku ku-e.tv
UVuvu usele nemicabango enokwethuka engase iphazamise impilo yakhe. UTankiso noJojo bayangqubuzana ngokubalulekile. UVuvu ungena enkingeni nabomthetho kanti uMlungisi uncenga uSimone ukuthi enze okufanele. Ubaba utshela indodana ulwazi olubalulekile. UJojo ujabulela ithuba elinenzuzo kodwa uTankiso uphazamisa umoya wakhe. Kuba nokuthuka uma kubonakala izithandani ezingalindelekile.
MUVHANGO
Ngo-9 ebusuku kuSABC 2
UVho-Masindi uvimba uLindelani ukuthi ashiye u-Azwindini. UNkele ucabanga uTendamudzimu esikhundleni se-COO. UVhangani unquma ukufaka isicelo sokuba yinhloko yonogada ejele yize enokwesaba. UJames uthola umyalezo oshaqisayo “ku-Imani”. UVho-Masindi uzimisele ngokugculisa uLindelani ukuthi enze angakufuni. UNkele wenza isimemezelo esishiya abasebenzi baseMMC benokwesaba. Ekugcineni uTendamudzimu noNkele bayaqabulana.
GENERATIONS: THE LEGACY
Ngo-8 ebusuku kuSABC 1
UNozipho uyacasuka uma ezwa ukuthi uKhumo umfihlele izinto futhi. UMpho usekhathele ngabadlala ngaye. UFikile ubona ukuthi ukuziphindeselela akuhlale kumnandi. UCosmo ufuna iqiniso lingaveli okwamanje. UKabisi uthola isivakashi esizimisele ngokuthi sikhulume. Abahlengikazi ababili bayahleba benganakile ukuthi isiguli silalele. UNkosiyabo ucabanga ukuthi sekuyisikhathi sokuthola izimpendulo eziqondile. USphe (Pearl Monama) uxwayisa uMrekza ngokuthi kusekukhulu okuzayo.
UZALO
Ngo-8.30 ebusuku kwiSABC 1
UNkunzi (Masoja Msiza) ubambelela osikweni ukuze amelane nokulahlekelwa yindodana yakhe. UMzwezwe noScrewdriver bakhathazekile ngekusasa leLoktion Bling njengoba uSibonelo engasekho. Imoto kaFlavia idliwa phambi kozakwabo. UNkunzi akanazo izinhlelo zokubulala uNomkhosi okwamanje. UMbatha uza neqhinga kuGabisile kodwa uyamxosha. UNkunzi uyahluleka ukumelena nokufa kukaSibonelo nangendlela uGabisile aziphethe ngayo futhi ukukhiphela eNdlende. UNomaswazi ubona ukuthi ukuqala phansi akulula. UNkunzi unika uMaMlambo umsebenzi onzima. UMzamo uyaxoshwa kwaMhlongo. Umphakathi uphuma wonke uyovalelisa kuSibonelo.