UMCULI we-Afro Soul okuvele izindaba zokuboshwa kwakhe ngezinsolo zokugqekeza nokweba kuleli sonto, uNathi Mankayi uthi empeleni nguye umgilwa, akakaze ebe lutho lamuntu.
NgoLwesithathu kubikwe ukuthi uNathi uboshelwe ukugqekeza nokweba impahla okuthiwa wakwenza emahhovisi wowayeyimenenja yakhe, uChina Mpololo.
UNathi kuthiwa ubekade egcinwe esiteshini samaphoyisa, eBramley ngaphambi kokuvela enkantolo.
Okhulumela isiteshi, uCaptain Molefe Mogodi, ukuqinisekisile ukuboshwa kukaMankayi nokuthi uvele enkantolo ngecala lokweba impahla yebhizinisi nabangani bakhe ababili.
Ephendula ngalolu daba kuma-video amabili awafake ngoLwesithathu ebusuku ekhasini lakhe ku-twitter, lapho ekhale khona ngokuthi abantu bamehlulela ngomlando wakhe wokuthi wake waboshwa phambilini.
“Imina engebelwa, ngifuna abantu bacabange ngalento; awukwazi ukuqasha umuntu bese uyamebela. Lo muntu engisolwa ngokumgqekezela umuntu oqashwe yimi ukuthi azosebenzela mina, ngingamtshontshela kanjani?’
Buka ama-video kaNathi eziphendulela:
Namhlanje ndibone intetha enints endidibanisa nobughebengu. Nali elam ibali ngalentetha.
Part 1. pic.twitter.com/HnlYyYWSfD
— Nathi Mankayi (@_Nathimankayi) April 10, 2019
Part 2. pic.twitter.com/IWZQSgM7jY
— Nathi Mankayi (@_Nathimankayi) April 10, 2019