KUCHWAZE izinkundla zokuxhumana intokazi yakuleli uWandi Ndlovu eyafudukela eNigeria ngomsebenzi iveza ukuthi ayisabuyi futhi isithole ubuzwe baseNigeria ngokuphelele.
Le ntokazi ithakasele uthando lwayo nensizwa yaseNigeria kwacaca ukuthi ayikwazi nokuthi ibuye ekhaya nomkhwenyana nabakhongi kuxoxwe eyelobolo kodwa imali iposwe ngezinkundla ezisetshenziswa uma kuthunyelwa imali kwamanye amazwe.
Okususe ukukhuluma ngesinzo sale ntokazi eyaqala ukuba semehlweni abantu ngohlelo lwempilo yangempela, This Body Works For Me, wukuthi ilobolo layo elithunyelwe kuleli lingu-N56 000 okuyimali elinganiselwa kuR670,26 uma uyishintshela kumaRandi