UVUMBUKE kwiCape Town City FC umdlali ohlaselayo wasesiswini, uMpho Makola. Leli qembu laseKapa liqinisekise lezi zindaba ekhasini lalo kutwitter ngoLwesibili ngevideo emfishane.
UMakola oneminyaka ewu-33 ubemataniswa namaqembu okubalwa kuwo iKaizer Chiefs neBlack Leopards. Nokho ugcine ephelele emabhukwini eCape Town City, eyaphazamisa umgqigqo we-Orlando Pirates ngesikhathi isasembangweni wesicoco seligi ngesizini edlule ye-Absa Premiership. Lo mdlali ushiye iPirates esedlale imidlalo engaphezulu kuka-170 kwi-Orlando Pirates kusukela ayijoyina ngo-2012. Uyishayele amagoli awu-21.
Ngesizini edlule uMakola udlale imidlalo ewu-13 kuphela yeligi.
aNnOuNcE mAkOLa 🥴 pic.twitter.com/vN5FWu0wAJ
— Cape Town City FC (@CapeTownCityFC) July 30, 2019
KwiCape Town City, ecijwa uBenni McCarthy, uzohlangana nobenguzakwabo kwi-Orlando Pirates, u-Abbubaker Mobara osayine kuleli qembu ngenyanga edlule.