Khulekani Maseko
Lo mkhosi osekungoka-204 okusuke kuhloswe ngawo ukukhumbula iqhaza leSilo saKwaDukuza esingumbumbi wesizwe samaZulu uShaka, uzohanjelwa kuphela nguNdunankulu waKwaZulu-Natal, uMnuz Sihle Zikalala noNgqongqoshe woMnyango wezobuCiko, amaSiko neMidlalo KwaZulu-Natal, uNkk Hlengiwe Mavimbela, ezinye izikhulu zikahulumeni nabezindaba.
Esitatimendeni esithunyelwe wuMnyango wamaCiko, amaSiko neMidlalo eKZN kwabezindaba, kuvezwe ukuthi iSilo Samabandla inkosi Zwelithini kaDinuzulu, sizothula inkulumo sisebenzisa uhlelo lwezobuchwepheshe.
Kuzobe kungokwesibili emlandweni lolu suku lugujwa ngaphandle kwaKwaDukuza okwakuyisigodlo senkosi uShaka kaSenzangakhona.
Ngo-2016 lo mkhosi waba ngokokuqala ngaphandle kwaKwaDukuza njengoba wawusenkundleni yezemidlalo iMoses Mabhida eThekwini.