UVUMBUKE kwiMK owayengundunankulu waKwaZulu-Natal, uMnuz Willies Mchunu, osanda kushiya kwi-ANC.
UMchunu umenyezelwe njengomdidiyeli weMK KwaZulu-Natal ngesikhathi kunesithangami nabezindaba.
UMchunu ushiye kwi-ANC ngasekuqaleni kwenyanga, ekhala ngesinqumo sikaKhongolose sokusebenzisana neDA kuhulumeni wokubambisana.
Unobhala weMK, uDkt Sifiso Maseko, uthe uMchunu uzodidiyela zonke izinhlaka zeMK KwaZulu-Natal.
“Uyena ozoqoka abazohola iMK ezifundeni zeMK KwaZulu-Natal.”
UMaseko uphinde wamemezela ukuqokwa kowayenguMvikeli woMphakathi, u-Advocate Busisiwe Mkhwebane, njengomdidiyeli weMK eMpumalanga.
U-Advocate Mkhwebane usanda kulaxaza i-EFF njengoba esevela kwiMK.
Ngesikhathi kuqhubeka isithangami nabezindaba, kunamalungu eMK abebhikisha ngaphandle, ekhala ngokuqokelwa ezikhundleni kwabantu abafikayo kwiMK.