ISILO uMisuzulu KaZwelithini siphendule isoyi emcimbini wokwethulwa kohlelo lokwakhiwa komgwaqo uP372 osuka emgwaqeni omkhulu iNquthu-Babanango Main Road uyongena endaweni yamagugu iSandlwana Heritage Site. Ukulungiswa kwalo mgwaqo kuzoheha izivakashi eziningi kule ndawo enomlando wempi ephakathi kwamabutho lakwaZulu namaNgisi. Kubekwe uR400 million wokwakhiwa komgwaqo oya eSandlwana Battlefield, uR106.1 million wabelwe osonkontileka abancane bendawo ezindaweni ezisemakhaya. Lokhu kuzodala amathuba emisebenzi kubantu bendawo engu-130 kanti kubekwe imali enguR30 million yamaholo ayo le misebenzi.
