Kuboshwe ababili abatholakale nesidumbu sigoqwe ngoplastiki emotweni ngesikhathi amaphoyisa kaMasipala weTheku enze isivimbamgwaqo kuM41 ngoMgqibelo ebusuku.
Amaphoyisa athe abone umshayeli esolisa ngaphambi kokuzama ukubaleka.
“Ngemuva kokumjaha ibanga elifishane, amaphoyisa ngesikhathi ehlolisisa imoto athole isidumbu somuntu sigoqwe ngoplastiki. Kubizwe abezimo eziphuthumayo abafike baqinisekisa ukuthi umuntu ufile,” kusho amaphoyisa.
Athe abasolwa ababili baboshelwe esiteshini samaphoyisa akwaSAPS eDurban North ngesikhathi kusaqhubeka uphenyo.
Abanye abangu-16 baboshelwe ukushayela bephuzile. Abesilisa abangu-14 nabesifazane ababili.
Isikali sikatshwala esiphezulu esitholakale komunye kube ngu-0.71mg/1.