LIHLEHLELE isonto elizayo icala lowesilisa waseMgungundlovu, obhekene necala lezithombe zocansi ezinamakhanda kamengameli nongqongqoshe wamaPhoyisa.
UScebi Thabiso Nene (35), usolwa ngokusabalalisa izithombe zocansi ezifakwe ubuso bukaMnuz Cyril Ramaphosa noMnuz Bheki Cele, ubevele phambi kweNkantolo yeMantshi yasePitoli ngoLwesibili.
Lo mlisa waboshwa ngoKlebe ngoMeyi 21, nonyaka, kanti ubhekene namacala amabili okuphula umthetho ngokusabalalisa lezi zithombe.
Icala lakhe lidluliselwe eNkantolo yeMantshi eMgungundlovu nokuyilapho ezovela khona ngoMeyi 30, 2023.