AMAPHOYISA ase-Eastern Cape aphume umkhankaso wokuthungatha iziboshwa ezeqe ejele laseMakhanda ngoLwesibuli ekuseni.
Kuthiwa ngesikhathi kungena ujele ngo-4 ekuseni ubone kukhanya amalambu kwenye yamayunithi.
Kuthiwa iziboshwe ziphumbe ngewindi, okuyinto engaqondakali ukuthi yenzeke kanjani kodwa lokho kuzoba yingxenye yophenyo lwamaphoyisa.
UKhomishana wamaPhoyisa kulesiya sifundazwe, uLieutenant General Nomthetheleli Mene useqalise uhlelo lwamahora angu-72 lokufuna iziboboshwa.
Amaphoyisa aphenya icala lokweqa ejele. Iziboshwa ezifunwayo kuthiwa nguNhamo Muyambo, Francis Chitho, Trymore Chauke, Luvuyo September, Abraham Moyane, Simba Masinga, Bennet Kwarrile.
Amphoyisa anxusa umphakathi ukuba uwashayele ucingo uma ezibona iziboshwa kunokuthi uzame ukuzibambela wona.
Uma kukhona onolwazi ngazo angaxhumana nephoyisa eliphenya icala uDetective Captain Glen Peter ku-082 301 9427 noma #CrimeStop ku-08600 10111.