Amaphoyisa athungatha uthuli abasolwa ngokudubula ‘usomabhizinisi odumile nomqaphi wakhe’ ebusuku ngoLwesihlanu, eMogaung.
Okhulumela amaphoyisa aseLimpopo uBrigadier uHlulani Mashaba, uthe lo somabhizinisi (57) odumile angamdalulanga nomqaphi wakhe (33) badutshulwe ngabo-7.45 ebusuku.
Ngokwemibiko, abagilwa bebeshayela emgwaqweni u-R574 bebheke ngaseMonsterlus ngesikhathi befika kwisicimpisajubane ngaseMogaung. Abasolwa abebehamba ngeMercedes-Benz eluhlaza okwesibhakabhaka kuthiwa badubule kaningi bebhekise kubo.
“Usomabhizinisi udubuleke engalweni kanti umqaphi wakhe uphumile emotweni wadubula kaningi ebhekise ngakubasolwa. Udubuleke kaningi ngesikhathi enza lokho,” kusho uMashaba.
Uthe abasolwa babaleke ngale kokuthatha lutho kubagilwa. Abasolwa baphuthunyiswe esibhedlela.
UMashaba uthe amaphoyisa aphenya amacala amabili okuzama ukubulala.
Anxuse onolwazi ngabasolwa ukuthi ashayele umphenyi uSergeant Madimetja Manganye ku-060 624 3383 noma athine isiteshi samaphoyisa okanye ku-08600 10111