KUBA mnandi uma kuhlangene imindeni, izihlobo nabangani kudliwa izibiliboco, kugeleza neziphuzo. Sikuphathele imicimbi ehlukene exoxwa ngezithombe. Uma ufisa ukuthi izithombe zomcimbi wakho zishicilelwe kuleli khasi, zithumele nge-email ethi: isolezwe@inl.co.za
BEKUYINJABULO uNksz Nosiphelo Mayisela ongowesobili ngakwesokudla, egubha usuku lokuzalwa eZwelethu Butchery, nabangani
Ki Ki Ki, kwakuhle kwethu! UMnuz Ntobeko Jeza ubebopha ifindo likasofasilahlane noNkk Thobeka Jeza eWestville Civic Centre, eThekwini
BEKUSINDWE ngobethole umakhosi Nongwaleni Cele waseMahlabathini, ngaseZenzele Primary, enza usiko lwentwaso
ABAFUNDI baseNgwenya Msomi Primary, Adams Combine ne-Josephine Primary, belwa nokuhlukunyezwa kwabadala nezingane
KUBE yinjabulo e-Adams Library kuhlelwa umgubho ka-Juni 16 wezikole ku-ward 67, lapho kuzoqhudelana i-Dr Nembula, Sompukane, Ndeya Zenex neMasibambane High 
BAZITIKE ngomculo uNksz Londiswa Ntuli waseNseleni, ophila nokukhubazeka kokungaboni emehlweni azalwa nakho, ethula i-CD yakhe 
BEKUKUHLE kudelile uMnuz Hlolisisani Nxele noNksz Nothando Bhengu bebopha ifindo likasofasilahlane eMgungundlovu Izithombe: ZITHUNYELWE