KUTHIWA isibalo esiningi sabantu abebezama ukubhalisela ubulungu kwi-website yeMkhonto Wesizwe Party yikona okuyenze yahluleka ukusebenza ngeMpelasonto.
NgoMgqibelo, iNingizimu Afrika ibigubha uSuku lokuBuyisana ngezindlela eziningi ezweni lonke. Ngesikhathi eSoweto abezindaba nabathandi bebehlanganyele esithangamini esibizwe yilowo owayengumengameli, uMnuz Jacob Zuma, ehholo iYMCA elise-Orlando East.
Lapha uZuma ufike waveza into edide abaningi ngokuthi akazukukhankasa ne-ANC eholwa wuCyril Ramaphosa.
EZANGEMPELASONTO: ISIMEMEZELO esibone iNingizmu Afrika ihlukana phakathi ngemibono ngekusasa lalowo owayengumengameli uJacobe Zuma nokhetho lwangonyaka ozayo pic.twitter.com/eCg2ZCxSWG
— Isolezwe News (@IsolezweNews) December 18, 2023
NgeSonto ntambama kuvele ukuthi i-website yaleli qembu elisha elesekwa nguZuma ibhidlike kaningi ngenxa yokuhluleka ukumumatha isibalo sabantu abaningi abathuthelane kuyo bezama ukubhalisela ubulungu ngobuchwepheshe besimanje.
Kuse ngoMsombuluko leli qembu selinameke ezinkundleni zokuxhumana i-video ebonisa ukuthi sebeyivusile i-website futhi isiyasebenza.
The link is back up if you want to register you can click https://t.co/TSnN6aRVux pic.twitter.com/f2mlRPxzDD
— @MK (@MkhontoweSizwex) December 18, 2023