ISASEBHEDLELA imeya yaseNelson Mandela Bay, uMnuz Nqaba Bhanga, kulandela ukuba sengozini yemoto edlule nemiphefumulo yababili eGqeberha, e-Eastern Cape, ngoMgqibelo.
Kuvela ukuthi le ngozi yenzeke ngo-11.30 ebusuku ngosuku imeya eyayigubha ngalo usuku lokuzalwa.
Ngokombiko wabezimo eziphuthumayo ingozi yenzeke lapho kuhlangana khona umgwaqo uSt Leonards Drive no-Uitenhage Road.
Okhulumela imeya, uLeander Kruger uthe uBanga ubedinga ukuhlinzwa ukwelapha ukopha ngaphakathi, okuyinto egcine yenzeke izolo ngokwesitatimende esikhishwe yihhovisi lakhe namhlanje. Kuthiwa uBhanga uyelulama egumbini labagula kakhulu esibhedlela ngemuva kokuhlinzwa.
Ekhuluma ne-website yezindaba, iNews 24, uKruger uveze ukuthi amaphoyisa aphenya icala lokubulala ngokungenhloso.