UMasipala weTheku unxenxa abasemkhakheni wezincwadi nabasemkhakheni wobuciko ukuba babhalisele ukuba yingxenye yombukiso i-Articulate Africa Art and Book Fair ozoba e-Inkosi Albert Luthuli International Convention Centre (ICC), eThekwini.
Lo mbukiso uzoba yizinsuku ezine, kulindeleke ukuthi uqale ngo-Ephreli 24 kuze kube u-Ephreli 27, nonyaka.
Ngokwesitatimende sikamasipala esithunyelwe abezindaba, kumenywa ababhali, abashicileli, abemfashini, abenza ubucwebe nabanye ukuthi babhalise ukuba bazobukisa ngomsebenzi wabo.
Ukubhalisela ukubekisa indawo yokubukisa ngomsebenzi wakho kuvalwa ngoMashi 28, 2024.
I-Articulate Africa ingezinye zezinhlelo zikaMasipala weTheku oluhlanganisa ubuciko, ukufunda, amasiko nomculo ukuthuthukisa imikhakha eyehlukene yendima yezobuciko.
Amafomu okubhalisela ukubekisa isikhala sokukhangisa ngomsebenzi wakho atholakala kwi-website kamasipala kanti angatholakala nangokuwacela kwi-email ethi [email protected].
Ngolunye ulwazi ngokubhalisela ukuba yinxenye yalolu hlelo kungathintwa u-031 311 2494 noma i-email ethi [email protected].