IZOBA seRosebank inkonzo yesikhumbuzo kaThembekile Charlotte Letlape obedume ngelikaPastry Princess.
Le ntokazi eneminyaka engu-38 ezakhele udumo kuleli ngokuba wumpheki nomeluleki kwezokupheka itholakale ishonile emzini wesoka layo uSibusiso Zitha eFourways, eGoli ngoLwesine mhla ka-30 Meyi 2024.
Ukufa kwale ntokazi kuqinisekiswe wumndeni wayo ngesitatimende esikhishwe kwabezindaba ngalo usuku lwesehlakalo.
“Kubuhlungu kakhulu kithina ukuveza izindaba zokudlula emhlabeni kukaThembekile Charlotte Mabel Letlape, oshone ngomhla ka 30 Meyi. Umndeni uyabonga kakhulu ukwesekwa nothando ngalesi sikhathi esinzima kangaka,” kusho isitatimende somndeni.
UZitha ongusomabhizinisi embonini yokudayiswa kwezindlu wanyamalala ngosuku lwesehlakalo waze wazinikela emaphoyiseni ngeSonto mhla ka 2. Uvele enkantolo yeMantshi eRandburg nabanye abasolwa ababili okungowesilisa nowesifazane ngoMsombuluko ngalo leli cala.
Kushaqeke abantu abaningi ezinkundleni zokuxhumana kubonakala i-video yakhe eboshwe ngozankosi izandla nezinyawo ethi okwenzeke kuThembekile kube yiphutha.
Zitha Bra 😳![CDATA[]]>😳![CDATA[]]>😳![CDATA[]]>😳 yoh pic.twitter.com/UptQxcjiLm
— Salt & Pepper😊![CDATA[]]>🇿![CDATA[]]>🇦 (@D_Bhekza) June 4, 2024
Kule video kuzwakala izwi lowesilisa lithi unonya angayenza kanjani into enjena, uZitha uzwakala ephendula ngokuthi kube yiphutha yingakho evuma ezinikele emaphoyiseni futhi evuma yonke into. Yize ekhuluma, akacacisanga ukuthi senzo sini lesi asenzile avumayo ukuthi sibe yiphutha.
Ngokombiko weKaya News, isidumbu sikaThembekile sitholwe nguyise uDkr Kgosi Letlape emzini kaZitha. Kuthiwa uyise wahamba wayombeka kulo muzi ngemuva kokuthi ethumele unina umlayezo odidayo.
Le ntokazi izokhunjulwa ngenkonzo ezoba seKingsmead College eRosebank ntambama ngo-5 bese ingcwatshwa ngoLwesihlanu enkonzweni ezoba seBryanston Methodist Church ngo-9:00.