Mhleli: Nginesikhalo lapha samanzi emphakathini wakithi, eMsinga.
Sintula amanzi ompompi bebe bekhona ebaleni kanti neMpofana inawo. Umphathi wesifunda uMzinyathi ubaba uPetros Ngubane wathenga amaloli amanzi awu-20 kodwa lutho ukuvela ukuze sithole noma wumphongolo.
Kule Covid-19 ekhona izophela imindeni yethu ngoba akukho nawokuphuza-ke amanzi, angisawabali awokugeza izandla. Ngikhathazekile ngezihlobo nabazali bethu abazofela ukungabi nalwazi ngamalungelo abo. Phela besaba ukukhuluma iningi labo ngoba besaba ukuthi bazozondwa.
Ngisacela uMnuz Ngubane asibhekele amanzi eMuden. Amanzi selokhu agcina ngoDisemba ukuba khona kanti neloli lamanzi kalibonwa.
Sandiseni Ximba