OSAZIWAYO nabathandi bomculo babuthane eSun City eMahikeng izolo ebusuku emcimbini wentandokazi yakuleli uSomizi Mhlongo.
Lo nontandakubukwa ongumdansi ohlonishwa kakhulu kuleli ubenomcimbi wokuguba iminyaka engu-50 edla anhlamvana.
Kulo mcimbi bekuboshelwe abaculi noDJ okubalwa kubo uCassper Nyovest, Kelly Khumalo, Dladla Mshunqisi, Sjava, uDJ Tira nabanye.
Abantu benze isiqiniseko sokuthi bayazimisela ngefeshini enhlobonhlobo kwazise phela umnikazi womcimbi udume ngengqephu edida ngisho unwabu.
Inqephu kaKelly Khumalo ishiye abaningi bedidekile kwazise phela ubefake ingubo eyenziwe ngo-teddy bear abancane abaningi.
UVusi Nova ongumngani kaSomizi wenze ezibukwayo esiteji ngesikhathi enandisa. Ubusuku bucishe baphetha kabi kulo mculi wengoma ethi, Asiphelelanga, ethola ingozi yemoto eshayisana namaphoyisa ngesikhathi esuka kulo mcimbi elibangise komunye obuseVaal khona ebusuku bayizolo.
Vusi Nova performance at Somizi's Golden Jubiliee last night. #cabinetreshuffle #Sundowns @vusinova_ #KaizerChiefs #vusinova @somizi #SomiziGoldenJubilee pic.twitter.com/0RKErUlSEi
Unikele ezinkundleni zokuxhumana echaza ngokwenzekile wabonga noNkulunkulu ngokuthi basindile kule ngozi eshiye imoto yakhe ilimele kabi ngaphambili.