Izilomo zabaculi baseNingizimu Afrika uMakhadzi noTyla zilimele kahle ngesikhathi zihlabana ngezindondo emiklomelweni amaBET Awards abeLos Angeles ezintatha ngoMsombuluko, ngokwesikhathi sakuleli.
UMakhadzi, obehlanganisa iminyaka engu-28 azalwa, ubeqokwe emunxeni weViewers' Choice: Best New International Act category lapho ebeqhathwe khona noSeyi Vibez, Bellah, Cristale, Duquesa, Holly G, Jungeli, Oruam noTyler ICU.
Emukela indondo uthe uyachichima yinjabulo futhi asikho isipho sosuku lokuzalwa esidlula esokuthola le ndondo.
UTyla, owanqoba indondo yakhe yokuqala yeGrammy, uthole eyeBest New Artist neyeBest International Act.
Ekhuluma uthe indondo yakhe yeBest International Act uyibhekise kumaciko ayeyizilomo ase-Afrika afika phambi kwakhe kodwa angawathola amathuba awatholayo.
Uhlelo lwemiklomelo beluphethwe wumlingisi ophinde abe wumculi uTaraji P. Henson. Abanye abathole imiklomelo kubalwa ingwazi u-Usher ohlonishwe nangeyeLifetime Achievement Award.