ABASONDELENE nalezingane zakwaJili, eBergville, uMonde noSlindile, abazikhuze. Ngisho lezi ezizibiza ngaMasiblings odumo lwengoma ethi, Uthando Lwami. Angisaqondi nqindi nasibhakela uma kunje! Ngiyazifela ngoMonde futhi angangithola mahhala. Into engicikayo ngaye ukuthi uhlale enamathele kusisi wakhe. Ngiyacabanga bakhona abamfunayo uSlindile kodwa abanathuba ngoba uhamba nepheshi elinguMonde. Nakuba kunjalo, ngiyayithanda ingoma yabo ethi, Izintombi Zakho. Ningathuki uma AmaSibling seniwabona kwiTop 10 yoKhozi FM. Ashayile bakithi. Impendulo ngizoyilalela kwiHarding Summer Festival ngoDisemba 17.
