ABABENGEKHO emcimbini wokuklonyeliswa kwabahlabene kumaSouth African Traditional Music Achievement (Satma) Awards, eMbombela Stadium ngoMgqibelo owedlule, bazothola ithuba lokuzibonela ngawabo okwakwenzeka kumathelevishini abo.
Umcimbi uzobe ukhonjiswa kuSABC 1 ngoMgqibelo ngo-8 ebusuku. Lokhu kuqinisekiswe ngabagqugquzeli balo mqhudelwano wezindondo.
Abantu bakuleli bazozibonela besezindlini amaciko esina ededelana esteji. Kwabanandisa kubalwa uNathi Mankayi, Nomcebo Zikode, Cevuzile, Lebo Sekgobela, Intaba YaseDubai, nabanye. Bazobuye babone kuklonyeliswa owayenguMiss Universe, uZozibini Tunzi.
Abanye abahlomula kulo mncintiswano ngoGatsheni, Udumakahle, Caiphus Semenya, Letta Mbulu, Zamamboe Mkhize, Nombika Black Boys nabanye. Emcimbini kwakukhona nesikhulu seqembu leDStv Premier Soccer League, iTS Galaxy, uTim Sukazi nomndeni kaLucky Dube.