U-DJ Zinhle uthi uzogonyuluka ngokwenzeka empilweni yakhe ngesikhathi kudlula emhlabeni uyise wengane yakhe u-AKA, njengoba uhlelo olukhuluma ngempilo yakhe, iThe Unexpected, lukhuza ibuya.
U-AKA wadutshukwa ngaphandle kwendawo yobumnandi eThekwini ngoFebhruwari nonyaka.
Isizini yesithathu yalolu hlelo izoqala ukubonakala kwiBET (DStv 129), ngoSepthemba 30, ngo7.30, izoba yiziqephu ezingu-13.
Le ntokazi edabuka eDannhauser, KwaZulu-Natal, kulindeleke ukuthi eziqeshini zokuqala izogonyuluka ngempilo abayiphila nomndeni wakhe, uMurdah Bongz abakhulisa naye ingane ka-AKA ngesikhathi behlelwa wumshophi wokufa kuka-AKA.
Ekhuluma ngokubuya kohlelo uDJ Zinhle, uthe umuzwa aba nawo ngokushona kukayise wengane yakhe yiwona azoqala awuveze ohlelweni.
“Ngijabule ukuphinda ngivule leli khasi elisha empilweni yami nabalandeli bami. Le sizini ibe uhambo lapho ebengigonyuluka futhi ngidlulisa khona izinhlungu esidlule kuzona, ikakhuukazi kulo nyaka.
Kangcinanga lapho ngikhule kakhulu futhi kwaba nesiqalo esisha empilweni yami. Engingakusho nje wukuthi manje ngibheke isiqalo esisha futhi kuyangithobisa ukuthi ngithole ithuba lokunifaka kancane empilweni yami futhi nibone engikwenza usuku nosuku empilweni yami,” kusho yena.
Uthe yena nomndeni wakhe kule sizini kukhona izindaba ezihlukene abazozixoxela abalandeli babo futhi uyathemba ukuthi zonke izinto abantu abazozibona zizokwazi ukuletha umehluko empilweni yabantu abahlukene.
“Ngiyathemba ukuthi abantu ngeke bagcine nje ngokubuka kuphela kodwa bazofunda, bese bekwazi ukuzithuthukisa bona. Ngakho mabalindele abangakaze bakubone ngoba le sizini kuzoba ngenye abangeke baze bayikhohlwe,” kuchaza uDJ Zinhle.
Uveze ukuthi abantu abazogqama kakhulu kule sizini ngamadodakazi akhe womabili uKairo no-Asante, umngani wakhe uThabs, uNomuzi “Moozlie” Mabena ozovela ezama kakhulu ekutholeni isoka elisha njengoba esanda kuhlukana nesoka lakhe leminyaka, uSbu nomngani wakhe uBrendon ozobe ebonakala ezama ukungena emkhakheni wamabhizinisi amancane eCape Town.
Okunye okuhlabahlosile ngempilo kaDJ Zinhle ngaphandle kokuba wuDJ odumile, unamabhizinisi amaningi okubalwa elokudayisa izinwele, iHair Majesty by Zinhle, isitolo samawashi nezinye izinto zokuzihlobisa i-Era by Zinhle namanye.