UBONGA uMdali umculi wowokholo waseThekwini uThinah Zungu (30) obe sengozini yemoto ngoLwesithathu eduze kwaseVerulam eThekwini.
UThinah uthi ubephuma eVerulam elibhekise ngaseNanda ngesikhathi imoto ebihamba ngasohlangothini olungaphesheya iqonda kuyena.
"Ngithe uma ngibona ukuthi iza ngakumina ngazama ukuyibalekela yase imoto yami yaphaphalaza yaphuma emgaqweni yayobhajwa ezansi kude buduze nomgwaqo. Le moto ebengiyibalekela ayizange ime ukuhlola ukuthi angilimalanga yini," kuchaza yena. .
Uthe ngenhlanhla akukho ukulimala akubonayo emzimbeni wakhe, kodwa imoto ithintekile.
"Akukho ukulimala engikubonayo. Ima ngizoya kudokotela manje ukuqinisekisa ukuthi kangilimalanga" kusho yena.
Lesi sihlabani esazakhela udumo ngengoma yaso ethi ' kwanqab'umusa' sibonge umdali ngokusinda komphefumulo waso ekhasini laso lika Instagram, kanti nabalandeli baso bazwakalise ukubonga khona ku- Instagram ngokusinda kwakhe.
View this post on Instagram
A post shared by Thinah Zungu(@thinahzungu) on Aug 15, 2019 at 2:14am PDT
Amaciko aseKZN nonyaka abukeka ehlaselwe yizingozi. Iqembu lomculo, Iziqhaza, okunguKhanyisa noMbongeni balimale kanzima engozini yemoto ebashiye besesibhedlela nonyaka. Umlingisi womdlalo osihloko sithi eHostela, uLungelo Mpangase, obedlala indawo kaKhethiwe washayiswa yimoto walimala umgogodla ngenyanga edlule kanti usagqigqa odokotela.