ISUKA kude ekaMawhoo noNaledi njengoba isiphinde yashiphelana ezinkundleni zokuxhumana.
UMawhoo ufake umbhalo othi; “Bathi ingane encane kodwa idla i-cocain nensangu.”
UMawhoo usho lokhu esola uNaledi ngokungabi nayo inhlonipho kulandela isenzo sakhe sokugasela esiteji kusanandisa uGatsheni emcimbini iMthandeni Summer Experience. Isenzo sikaNaledi sicasule abantu abaningi abebethamele umcimbi waze wakhishwa.
Kuvela lo mbhalo-nje, uNaledi uke watholana phezulu nodadewabo kaMawhoo, okwenze abaningi basola ukuthi kube lula kuMawhoo ukuveza umbono ngoNaledi ngoba kunengxabano eqhubekayo ethinta udadewabo. UNaledi ubesanda kubhadlaza inkulumo ku-Tiktok okukholakala ukuthi ibikhulunywa udadewabo kaMawhoo, u-Amahle esola uNaledi ngokubulala unina wakhe ukuze anikele ngaye kusaziwayo waphesheya.
Amahle, Mawhoo’s sister and manager, has made shocking allegations against Naledi Aphiwe, claiming she murdered her mother for fame.
— ChrisExcel (Parody) (@ChrisEcxel102) January 4, 2025
Just weeks after a tense confrontation with Mawhoo, Naledi took to social media to post a screen recording that purportedly contained a voice note… pic.twitter.com/OJOB6EQlN0
Kubantu abalandela le ntokazi esencane yaseNanda, bakhale kakhulu ngokuziphatha kwayo, kwaze kwaqubuka imibuzo ngokuthi ngabe inalo na ithimba labaphathi, noma umuntu onolwazi lwebhizinisi lomculo elizoyihola, liyiqondise nalapho iphambuka khona kungaze konakale ikusasa layo.
Nomrepha oshisa izikhotha kuleli uDuncan uzwakalise ukuphoxeka ngokuziphatha kukaNaledi kulo mcimbi eveza ukuthi naye umshiye ekhubekile ngendlela enze ngayo.
