INKANTOLO enkulu eGauteng igunyaze ukufakwa endalini kwendlu yomlingisi wakuleli obandakanyeka ecaleni lenkohlakalo.
Igama likaMoitheri Terry Pheto ozakhele igame njengomlingisi nophrojusa wemidlalo kuleli, livela ohlwini lwabantu abakhwabanisa imali yeNational Lotteries Commission.
Uphiko lweSIU luthi umengameli wezwe uMnz Cyril Ramaphosa ugunyaze uphenyo mayelana nokuphathwa budedengu kwemali nenkohlakalo kwiNLC futhi kumele lolu phiko lubuyise imali elahlekile kule khomishini.
Uphenyo luveze ukuthi kwathengwa umhlaba okwakhiwa kuwo isithabathaba somuzi ngemali okwakufanele isetshenziselwe imikhankaso nezinhlelo ezahlukene zokuqwashisa ngokusoka kwesintu ngokulekelelwa ngezempilo.
Lolu phiko lwathola incwadi enkantolo egunyaza ukubanjwa kwempahla yalabo abathintekayo ekukhwabaniseni imali. UTerry ungomunye walabo bantu, kuthiwa ngemuva kokuvela kwegama lakhe, abammeli bakhe baxhumana nabaseshi beSIU beveza ukuthi ngeke bawuphikise umyalelo wenkantolo wokudliwa kwempahla yale ntokazi eyayilingisa phambili emdlalweni iTsotsi.
Ukufakwa endalini kwendlu yale ntokazi kulandela umyalelo wenkantolo eNkulu yaseGauteng owakhishwa mhla ka-4 Novemba nyakenye.
Le ndali iyingxenye yomsebenzi wokubuyiswa kwemali nempahla eyatholakala ngomgunyathi kule khomishini yoMbuso.
The auction has started.
— Special Investigating Unit (SIU) (@RSASIU) March 2, 2023
You can put your bid forward by clicking on the link:https://t.co/4pLJUnTrnk pic.twitter.com/DAzpYqpWs7