USEKHETHIWE umakhonya kumncintiswano woKhozi FM wokuthungatha umsakazi wesifazane onekhono lokusakaza.
ULonda Mbatha nguye oqwaqwade bonke abasakazi abasafufusa ebebengenele iWinnie Mahlangu Female Presenter Search.
Ulandela ezithendeni zikaZama Mseleku owine ngo-2020, noBingelela Mpanza owine ngo-2021.
Namuhla ntambama, umsakazo UKhozi FM umemezele nasezinkundleni zokuxhumana ukuthi le ntokazi yakwaMbatha, ukuthi iyona edle umhlanganiso.
Lo msakazo ubonge nabalaleli ngokubamba iqhaza kulo mncintiswano obugoqwa namhlanje njengoba kugoqwa nenyanga yabesifazane.
Le ntokazi ihalaliselwe ngomunye uDJ waso lesi siteshi, uSipho “DJ Sgqemeza” Mbatha enkundleni kaFacebook.