UMSAKAZI odabuka eThekwini kodwa ogobe amadlangala eGoli njengoba ethula uhlelo lwasekuseni kwiKaya FM uSizwe Dhlomo, ugcine ephoqelekile ukuzehlisa kuzakwabo weLesedi FM, uNyakallo "Ba2cada" Leine.
USizwe, owenza uhlelo iSiz The World kulo msakazo waseGauteng, uziqhathe neziqandu ezunkundleni zokuxhumana ngokuqamba amanga athi akamazi umsakazi weThakganga Breakfast Show kuLesedi FM, esakaza ngolimi lwesiSuthu.
Udaba lususwe ukuphumela obala kukaBa2cada kwiPodcast and Chill with MacG ukuthi uhola kwiLesedi uR180 000 ngenyanga emuva kokusebenzela lo msakazo ongaphansi kukaSABC iminyaka ebalelwa kwewu-20.
Ebuzwa ngumlandeli wakhe ukuthi uBa2cada akaphaphalazile yini ngokudalula imali, uSizwe uvele wathi akamazi nokuthi ngubani uBa2cada.
Abantu bakhwele badilika kuSizwe ngoba umsakazi owaziwayo.
Ezwa iqonga ingcindezi, uSizwe uxolisile kuBa2da futhi wathi uyamazi ngoba wake wamqasha emcimbini waseMacufe.