I-ORLANDO Pirates ibuyise isibabuli somgadli uKermit Erasmus, osayine inkontileka yeminyaka emibili.
“I-Orlando Pirates ijabule ukwethula uKermit Erasmus osayine iminyaka emibili.
“URomeo, okungelinye igama aziwa ngalo, ubuya eqenjini emuva kokulishya ngo-2016 ejoyina iqembu laseFrance, iStade Rennais.
“Lo mgadli onamava ujoyina amaBhakaniya emuva kokuba ekhululwe yiqembu ebelimqashile kanti ungumdlali wesithupha ukusayina eqenjini elikhulu kule sizini,” kusho i-orlandopiratesfc.com.
IPirates iphinde yethula nonozinti uSipho Chaine osuka kwiChippa United.
NgoLwesine iPirates iphine yethula nesikhwishikhwishi esisuka kwiMarumo Gallants, uNdabayithethwa Ndlondlo yena osayine iminyaka emithathu.
Emidlalweni engu-80 ekwiPirates phakathi kuka-2013 no-2016, u-Erasmus ushaye amagoli angu-21 kanti angu-35 esewonke abe nesandla kuwo.